«بۇگىن بۇكىل ەلىمىز كونستيتۋتسيا كۇنىن اتاپ ءوتىپ جاتىر. ءبىر جىل بۇرىن مەملەكەت پەن قوعامنىڭ سىندارلى ديالوگىنىڭ ارقاسىندا اتا زاڭعا وتە ماڭىزدى وزگەرىستەر ەنگىزىلدى. ەندى ءبىزدىڭ كونستيتۋتسيامىزدى ادىلەت يدەياسىن باسشىلىققا العان جاڭا قوعامدىق كەلىسىمنىڭ قۇقىقتىق قۇجاتى دەۋگە تولىق نەگىز بار. قاسىم-جومارت توقاەۆ پرەزيدەنت قىزمەتىنە كىرىسكەن العاشقى كۇننەن باستاپ ادىلەتتى قوعام مەن ءتيىمدى مەملەكەت قۇرۋدى باستى باعدار ەتىپ ۇستادى. جاڭارعان كونستيتۋتسيا اتالعان ساياساتتىڭ جۇزەگە اسىپ جاتقانىنىڭ ايقىن بەلگىسى», دەدى ەرلان قارين.
ونىڭ ايتۋىنشا, بىلتىرعى كونستيتۋتسيالىق رەفورمانىڭ ناتيجەسىندە بيلىك تارماقتارى اراسىندا وڭتايلى بالانس قالىپتاستى. حالىقتىڭ ەلدى باسقارۋ ىسىنە ارالاسۋ مۇمكىندىگى ارتتى. ازاماتتاردىڭ قۇقىعىن قورعاۋ تەتىكتەرى كۇشەيتىلدى. سولايشا, بيلىك پەن قوعام جاڭا رەفورمالاردىڭ اۆتورلارىنا اينالدى.
